E whakaaro ana a Witehira (Tamahaki, Ngā Puhi, Ngāti Haua) ka pēhea te ao toi, te ao hoahoa i Aotearoa mēnā ko te tirohanga Māori me ngā kōrero Māori te tūāpapa mō ēnei mahi. Kua mahi a Witehira mō ngā kaupapa pērā i te hanga i ngā poro rākau tuatahi i te reo Māori hei tākaro mā te tamaiti, i ngā kaupapa whakaari i te taha o ētahi atu kaimahi, i ngā mahi hoahoa mō ngā kiri pukapuka, i te ao kākahu, i ngā whare taonga, i te hanga hoki i te momotuhi Māori.  Kua whakaaturia ngā mahi a Witehira i Aotearoa nei, ā, huri noa i te ao, pērā i te hui ahurei toi o Talente Munich ki Te Āporo Nui. I te tau 2014, kua whiwhi ia i ngā pūtea hei hanga i ngā mahi toi tūmatawhānui mō te Kaunihera o Te Whanganui a Tara – ko te pikitia pakitara e kīia nei ko Waituhi tētahi.