Kua whakawhiwhia a Tākuta Karlo Mila (Tonga, Pākehā) ki ngā tohu whakanui i āna ruri. He māmā ia, he kaituhi, he kairangahau, he kaiwhakatūtū hoki ia. Ko ia tonu te kaihautū o ngā akoranga e kīia nei ko ‘Mana Moana’ ki raro i te maru o te rōpū: Pūmanawa Kaiārahi o Aotearoa. Ko te kaupapa o ēnei akoranga he mea whakaora, he mea whakanui hoki i ngā mātauranga o ngā tīpuna o te Moana Nui a Kiwa i tēnei ao hurihuri. 

Noho ai a Karlo rātou ko āna tama tokotoru i Tāmaki Makau Rau. Ka tāngia tāna pukapuka ruri tuatoru e Huia Publishers hei tēnei tau tonu, ko te “Goddess Muscle” te ingoa.