He ringa toi a Michel Tuffery e noho ana ki Aotearoa nei, engari nō Hāmoa, nō Rarotonga, ā, nō te iwi Ma’ohi o Tahiti hoki ia. He kaiwhakahonohono ia i āna mahi toi, e mahi ana “kei waenganui” i ngā tāngata me ngā wāhi, he tirohanga hou tāna ki ngā wehenga o te taiao, o te hapori, o te ahurea me ērā wehenga i te hītori o te ao toi. Kua nui āna  whakaaturanga huri noa i te ao, ā, kua noho ia hei kairangahau, hei kaimahi rānei i Āmerika, i Tiamani, i Wīwī, i Ingarangi, i Āhia, i Īnia, i Ahitereiria, i Aotearoa me te Moana Nui a Kiwa anō hoki. I te tau 2008, kua kōwhiritia a Michel hei mema o te New Zealand Order of Merit mō āna mahi toi, engari, ki a ia, ko te painga nui ko te mahi toi hei whakamana i ngā hapori.