He maha āna mahi ā-rōpū, me āna mahi taki tahi, ko Regan Balzer (Ko Te Arawa, ko Ngāti Ranginui ngā iwi) he kaipeita, he kaihoahoa hoki. He whakahihiko i roto i a ia  i mahi auaha ai ia, ā, e ngākaunui ana ia ki te whakaatu i te ātaahua o te ahurea Māori me ngā toi Māori. Whai ake i tana whiwhi i te Tohu Paerua i ngā Mahi Toi Māori i Te Kunenga ki Pūrehuroa (2011), kua whānaui āna mahi i te ao toi, kua whakatipuria e ia he taera peita motuhake, he nui hoki ngā tae. Kua puāwai ēnei mahi āna i tana ū ki te whakatipu i āna mahi toi. Kua whakaatu whānui a Regan i āna mahi toi (i ngā mahi takitahi, takitini hoki), i Aotearoa, ā, huri noa i te ao (i Itaria, i Āmerika, i Ahitereiria, i Tahiti hoki).