He kaitito, he kaiwhakatangi puoro hoki a Warren Maxwell (Ngāi Tūhoe, Ngāti Kahungunu, Ngāi Te Rangi) e mahi ana i ēnei rua tekau tau kua pahure ake nei (Southside of Bombay, Trinity Roots, Little Bushman me Fat Freddys Drop hoki i mua). Kua tito a Maxwell mō ngā kiriata me ngā hōtaka pouaka whakaata, kua tū ia i ngā hui ahurei huri noa i te ao, ā, he pūkenga matua ia mō te tito me te purei ki Te Kunenga ki Pūrehuroa. I te tau 2016, i pōhiritia ia ki Te Tiri o te Moana hei kanohi mō te ‘Hōtaka Mahi Hapori o ngā Ringa Toi’ o Te Tiri o te Moana ki Aotearoa. Mai i taua wā, kua kōkiritia ngā kaupapa tiaki taiao e Maxwell, ā, e hāngai ana āna mahi tito me āna mahi rangahau ki ngā tūhono taiao (Tūhonotia ki te Taiao), ā, ki te wā e heke mai nei ki a tātou.